Западот никогаш не успеал и никогаш нема да успее да ѝ нанесе стратешки пораз на Русија, изјави шефот на руската дипломатија, Сергеј Лавров, на средбата со неговиот киргистански колега Јенбек Кулубаев.
– Сведоци сме на невидена конфронтација меѓу нашата земја и колективниот Запад, кој повторно одлучи да војува против нас и да ѝ нанесе стратешки пораз на Русија, во суштина користејќи го нацистичкиот режим во Киев како овен за удар. Западот никогаш не успеал во ова, а нема да успее ни овој пат – рече рускиот министер, според „Известија“.
Тој ја нагласи посебната важност на блиските врски со Киргистан во сите области.
Шефот на руската дипломатија истакна дека „и покрај санкциите и нелегитимниот притисок“, има зголемување на меѓусебната трговија меѓу Русија и Киргистан, а и дека соработката во хуманитарните, образовните и во другите сфери се шири, вклучително и на меѓународните платформи.
КЛУЧНИОТ ГРАД КОСТЈАНТИНИВКА ПОД ИНТЕНЗИВЕН РУСКИ НАПАД Кремљ напредува бавно, но постојано на источниот фронт

The post ЗАПАДОТ НИКОГАШ НЕ УСПЕАЛ, НИТУ ЌЕ УСПЕЕ ДА ЈА ПОРАЗИ РУСИЈА Лавров обвинува дека Киев е само „овен за удар“ на непријателот на Кремљ appeared first on plusinfo.mk.
Прочитајте ја целата статија од изворот