Младата мексиканска инфлуенсерка Валерија Маркез (23), позната по своите видеа за убавина и шминка, беше брутално убиена за време на преносот во живо на ТикТок, кој го гледаа повеќе од 200.000 луѓе.
Трагедијата се случила во вторникот, во фризерскиот салон во градот Запопан, во државата Халиско, каде што работела Маркез. Непознат маж влегол во салонот и испукал повеќе куршуми кон неа, соопшти канцеларијата на државниот обвинител на Халиско. Досега никој не е уапсен, а случајот се истражува како фемицид – убиство на жена од омраза мотивирана од полот на жртвата.
Ужас пред очите на публиката
За време на преносот во живо на TикТок, Маркез седеше на маса држејќи плишана играчка.
„Доаѓаат“, рече таа вознемирено, проследено со машки глас во позадина: „Еј, Вал?“. Таа одговори: „Да“, а потоа го исклучи звукот.
Неколку секунди подоцна се случи убиството. Камерата продолжи да снима додека непознато лице се приближи и го зеде телефонот – лицето на убиецот беше накратко видено пред снимањето да престане.
Грозно видео кое го прикажува моментот на убиството набрзо се прошири на социјалните мрежи.
Загрижувачки сигнали од претходниот ден
Еден ден претходно, Маркез им раскажа на своите следбеници – од кои имаше речиси 200.000 на ТикТок и Инстаграм – како непознато лице дошло во салонот додека таа не била таму, оставајќи „скап подарок“. Таа изјави дека ова ја вознемирува и дека не планира да чека лицето повторно да се појави.
Според официјалните податоци, државата Халиско е на шесто место по број на убиства во Мексико, со вкупно 906 случаи откако претседателката Клаудија Шајнбаум ја презеде функцијата во октомври 2024 година.
Мексико го дели озлогласеното четврто место по стапка на фемициди во Латинска Америка и Карибите, заедно со Парагвај, Уругвај и Боливија – со просек од 1,3 случаи на 100.000 жени, според податоците од Економската комисија на Обединетите нации за Латинска Америка и Карибите (ECLAC).
ВОЗНЕМИРУВАЧКО – Моментот кога убиецот влегол во салонот и пукал кон Валерија!
@lurdesgomes674 Valeria Márquez. Influencer mexicana desaparece aos 23 anos de idade. Descansa em paz. #valeriamárquez #influencer #Mexico #tiktoker #fyp #foryоu ♬ som original – Lurdes Gomes
The post 📽️ (ВОЗНЕМИРУВАЧКО) МЛАДА ИНФЛУЕНСЕРКА УБИЕНА ВО ПРЕНОС ВО ЖИВО Убиецот испукал повеќе куршуми кон неа, таа паднала мртва на самото место appeared first on plusinfo.mk.
Прочитајте ја целата статија од изворот
