Очекувам дека во брзо време ќе видиме инвестиции од Обединетите Арапски Емирати во Македонија. Потпишавме неколку договори за економска соработка што се услов за идната соработка. Посебно е важно тоа што Дубаи станува центар за извозот кон Истокот, што е одлична можност за домашно извозните компании да ја користат помошта и логистиката што ја нуди Владата на ОАЕ, изјави вицепремиерот Александар Николоски, кој е дел од владината делегација која е во работна посета на Обединетите Арапски Емирати.
-Министрите за надворешни работи потпишаа договор за економска соработка, исто така има договор и во образованието и културата, како и договор за заштита на инвеститорите и одбегнување на двојното оданочување. Овие договори се предуслов за да можеме да одиме кон следната фаза, а тоа се конкретни инвестиции и конкретни проекти кои што ќе ги видиме во Македонија – вели Николоски.
Тој посебно го издвојува фактот Дубаи станува центар за трговијата кон Исток.
– Постои огромна можност за македонските компании кои што извезуваат да го користат Дубаи и Владата на ОАЕ како помош и сервис при нивниот извоз, како би се отвориле бројни нови пазари, кои што во моментов не се достапни за македонските компании – изјави Николоски.
Како што соопшти Министерството за транспорт, по средбите со стопанските комори во Шарџа и Дубаи, тој потенцирал дека има голема заинтересираност за соработка во делот на туризмот, инфраструктурата и земјоделскиот сектор.
-Морам да кажам дека фокус број еден е туризмот, кој сериозно расте и потенцијалите кои ги нуди Македонија навистина се нешто што е препознаено. Секако тука е и инфраструктурата, коридорите 10 и 8, како и коридорот 10д, како потенцијални места за инвестирање, тука секако е и земјоделието, тука се и недвижностите. Така што ова се области каде што има огромна заинтересираност од страна на ОАЕ да инвестираат во Македонија, очекувам во периодот којшто е пред нас ќе одиме кон втората фаза, а тоа е конкретизирање на проекти и за брзо време ќе можеме да видиме делегација на ОАЕ во Македонијa, како и инвестиции тука – рече Николоски.
The post ВЛАДАТА ПРЕКУ ЕМИРАТИТЕ ГО ОТВОРА ПАТОТ НА ИЗВОЗНИЦИТЕ КОН ИСТОЧНИТЕ ПАЗАРИ Потпишани се неколку договори за економска соработка appeared first on plusinfo.mk.
Прочитајте ја целата статија од изворот
