Американскиот претседател Доналд Трамп ќе присуствува на Самитот на НАТО во Хаг подоцна овој месец, соопшти денеска портпаролката на Белата куќа, Керолин Ливит.

Зборувајќи пред новинарите во Белата куќа, таа изјави дека Белата куќа не била запознаена со намерата на Украина да почне голем напад со дронови врз воени аеродроми во Русија за време на викендот.

Ливит додаде дека Белата куќа е запознаена со извештаите дека израелската војска пукала врз палестински цивили во близина на камиони за дистрибуција на храна и хуманитарна помош во јужниот дел на Појасот Газа.