Американскиот претседател Доналд Трамп изјави дека Иран може да биде „уништен преку ноќ“.

Тој додаде дека тоа може да се случи „уште утре вечер“, додека зборуваше за операцијата за спасување на двајца американски војници кои се катапултираа од авион Ф-15.

Трамп, исто така, рече дека САД „постигнуваат огромен напредок“ во операцијата „Епски бес“.

„На ниво што никогаш порано не е видено“, рече тој.

Трамп изјави дека користеле измама за да ги убедат иранските сили дека пилотот е на друга локација.

„Во неверојатен приказ на вештина и прецизна смртоносна сила, американската војска се спуштила во областа, во самата област, се соочила со непријателот, го спасила заробениот офицер и ги неутрализирала сите закани“, рече Трамп.

Тој додаде дека се повлекле од Иран со пилотот, кој бил заробен речиси 48 часа, без никакви жртви.

Зборувајќи за опремата што се користела во операцијата, тој рече дека биле распоредени 155 авиони, вклучувајќи четири бомбардери, 64 борбени авиони, 48 авиони за полнење гориво и 13 авиони за спасување.

„Никој нема опрема како нас. Ние сме убедливо најмоќната војска во светот“, рече Трамп.

Трамп рече дека неговата администрација „работи напорно“ за да го пронајде лицето кое ги откри информациите за исчезнатите војници во Иран. Тој додаде дека станува збор за „национална безбедност“ и му се закани на новинарот кој ја објави приказната со затвор ако не го открие изворот.

„Тие ја доведоа мисијата во голем ризик…Тие го доведоа тој човек во голем ризик и стотиците луѓе кои го гонеа“, додаде тој.

Директорот на ЦИА рече дека операцијата за спасување на исчезнатиот американски пилот била „трка со времето“.

Зборувајќи за употребата на измама во операцијата, Џон Ратклиф рече дека било „клучно“ да се пронајде пилотот што е можно побрзо, а воедно „непријателот да се држи во мрак“.

Тој додаде дека кампањата за измама била започната за да се збунат иранските сили што го бараат.

Тој, исто така, истакна дека Иранците биле „засрамени и на крајот понижени“ од успехот на операцијата и нагласи дека САД нема да остават ниту еден од своите војници зад себе.

МИА

По четири години пауза Македонија и САД утре во Вашингтон седнуваат на нова сесија од стратешкиот дијалог.

Во фокусот се одбраната, безбедноста, енергетиката, трговијата, инвестициите, а македонската далегација очекува конкретен патоказ за идната сорабнотка и заеднички проекти.

По четири години пауза Македонија и САД утре во Вашингтон седнуваат на нова сесија од стратешкиот дијалог.

Во фокусот се одбраната, безбедноста, енергетиката, трговијата, инвестициите, а македонската далегација очекува конкретен патоказ за идната сорабнотка и заеднички проекти.

Вкупно 151 патник пристигна вечерва на скопскиот аеродром  од Обединетите Арапски Емирати со лет на „Флај Дубаи”. Повеќето се македонски државјани, еден е од Црна Гора, еден од БиХ, еден од Србија, двајца се од Косово, а четворица се со холандско државјанство.

Тие беа пречекани од министерот за надворешни работи и надворешна трговија, Тимчо Муцунски.

– Клучна и најбитна е безбедноста на граѓаните и тука не смееме да правиме компромис. Мојата цел е до крајот на оваа недела сите наши граѓани што побарале евакуација да бидат во државава, изјави Муцунски.

Над 600 македонски државјани вкупно се очекува да бидат евакуирани, иако оваа бројка, напомена министерот, може да биде променлива.

Следниот авион, дополни, треба да пристигне во вторник.

Министерот, кој ги пречека патниците директно, пред авионот, се поздравуваше со секој од нив, а на припадничките од понежниот пол им даде и по една ружа, во чест на празникот 8 Март.

Муцунски за утре најави прес-конференција на која ќе соопшти детали. 

МИА

Состанок на групата Г7, организиран од Франција, ќе биде одржан утре за „проценка на ситуацијата во Персискиот Залив“, соопшти француското Министерство за економија и финансии.

– Овој состанок е специјално организиран како одговор на настаните од последните денови и ќе биде можност за проценка на ситуацијата во Заливот од економска перспектива, се додава во соопштението.

Со состанокот што ќе се одвива преку видеоконференциска врска ќе претседава францускиот министер за економија и финансии Роланд Лескир, кој ќе биде во Брисел на состанок на Еврогрупата. Ќе учествуваат министрите за економија и финансии и претставници на централните банки на земјите од Г7 – САД, Јапонија, Канада, Обединетото Кралство, Франција, Германија и Италија.

МИА

Министерот за надворешни работи на Иран Абас Арагчи, денеска изјави дека на иранскиот народ е да го избере својот лидер, a не на американскиот претседател Доналд Трамп.

Во интервју за американската телевизиска мрежа NBC, Арагчи реагираше на изјавата на претседателот на САД Доналд Трамп дека тој мора да биде вклучен во изборот на наследник на врховниот ирански лидер на Иран, ајатолахот Али Хамнеи, кој беше убиен 28 февруари, на почетокот на американско-израелските напади врз Иран.

– Нема да дозволиме никој да се меша во нашите внатрешни работи. Ова е прашање само за иранскиот народ и на никој друг, рече Арагчи.

Според него, Трамп треба да се извини за војната, убиствата и разурнувањата на Блискиот Исток.

– Очигледно е дека нашите ракети не можат да стигнат до американска почва. Она што можеме да го направиме е да нападнеме американски бази и инсталации околу нас, додаде шефот на иранската дипломатија.

САД и Израел го нападнаа Иран во сабота, на 28 февруари, што го натера Техеран да возврати со ракети кон Израел, Кувајт, Бахреин и други земји од Блискиот Исток кои имаат американски бази.

МИА