Само една жена доби дозвола да се доближи до ковчегот на покојниот папа Франциск – сестра Женевиев Жанингрос, 81-годишна калуѓерка, негова блиска пријателка и сојузничка во борбата за сиромашните и маргинализираните. Нејзиното присуство, надвор од строгите протоколи на Ватикан, сведочи за длабочината на нивното пријателство и човечката страна на духовниот водач.
Сестра Женевиев се прости од папата во тишина, со солзи во очите, покрај ковчегот поставен во базиликата. Сцената длабоко ги трогна присутните, бидејќи нејзиниот гест не беше само симболичен, туку лично збогување после повеќе од 40 години блиска врска.

Последно збогување со папата Франциск
Папата Франциск почина пред три дена, а Ватикан објави дека погребот ќе се одржи в сабота (26 април) од 10 часот. Според неговата лична желба, тој ќе биде погребан во базиликата „Голема Богородица“ во Рим, со што ќе биде првиот папа по повеќе од 300 години што нема да почива во базиликата „Свети Петар“.
Којa е сестра Женевиев?
Сестра Женевиев Жанингрос е француска калуѓерка позната по децениската хуманитарна работа во Рим, каде посветено се грижеше за најранливите – бездомниците, бегалците и болните. Нејзината блиска поврзаност со папата Франциск започнала уште во времето кога тој бил надбискуп Хорхе Марио Бергољо во Буенос Аирес. Нивната врска била заснована врз заеднички вредности – борба за социјална правда, помош за сиромашните и реформска визија за црквата.
Токму поради нејзината храброст, јасен став и неконвенционален дух, папата ѝ го дал прекарот „L’enfant terrible“ – „Страшната девојка“. Таа не се плашела да зборува, да делува и да предизвикува промени – карактеристики што Франциск ги ценел длабоко.
The post 📽️ 📷 САМО ТАА СЕ ДОБЛИЖИ ДО ПАПАТА Го прекрши протоколот за да се збогува со стариот пријател appeared first on plusinfo.mk.
Прочитајте ја целата статија од изворот