Коалицијата Вреди жестоко ја нападна ДУИ обвинувајќи ја за две децении корупција, уништување на албанските интереси и злоупотреба на институциите, најавувајќи дека на локалните избори во октомври ќе извојува победа во сите албански општини.
„Откако 20 години крадеа, измамуваа и уништуваа секоја албанска надеж, сега без срам излегуваат и бараат граѓаните да им дадат уште една шанса! Тие што ја користеа моќта за лични интереси, денес, фрустрирани и разоткриени, бараат враќање на старите времиња на заробување и уцена“, соопштија од Коалицијата Вреди.
Од таму посочуваат дека ДУИ секоја институција ја претворила во партиска испостава, омаловажувајќи ги интелектуалците и разменувајќи ги правата на Албанците за ниски политички адути.
„Коалицијата Вреди е одговорот на Албанците на оваа скапана политика! Ние сме на власт за да ја донесеме промената што народот ја бара и нема да застанеме додека секој Албанец не се почувствува слободен, рамноправен и достоинствен во својата земја“, нагласија од Вреди.
Од Коалицијата Вреди најавуваат дека на октомвриските локални избори ќе победат во сите албански општини, со чисти раце и чесен пристап кон граѓаните.
„Времето на ДУИ заврши! Ветерот на промените започна и никој не може да го запре! Вреди победува, Албанците победуваат!“, порачуваат од Коалицијата Вреди.
The post ОКТОМВРИ ЌЕ БИДЕ МЕСЕЦ НА ПРОМЕНИ Коалицијата Вреди ветува триумф во секоја албанска општина appeared first on plusinfo.mk.
Прочитајте ја целата статија од изворот