Италијанската премиерка Џорџа Мелони му подари на британскиот крал Чарлс Трети персонализирана тегла Нутела со неговото име испечатено во златни букви, пренесува италијанската агенција АНСА.
Чарлс го доби светски познатиот намаз од лешник за време за време на посетата на Италија. Тегла Нутела со персонализирана етикета ѝ била дадена и на  кралицата Камила.
„Корисен подарок за уживање на софа во дождливи денови“, напиша Мелони во пораката што ги придружувала подароците.
За време на тридневната посета на Италија, британскиот крал и кралица се сретнаа со италијанскиот претседател Серџо Матарела, премиерката Мелони, папата Франциско, а Чарлс одржа говор пред италијанскиот парламент.
Тие го посетија и гробот на Данте во Равена, каде што престојуваа по повод 80-годишнината од ослободувањето на тој дел на Италија.
За време на нивната посета на Италија, Чарлс и Камила ја прославија и 20-годишнината од бракот.
The post „КОРИСЕН ПОДАРОК ЗА УЖИВАЊЕ НА СОФА ВО ДОЖДЛИВ ДЕН“ Уникатен подарок на Џорџа Мелони за Чарлс Трети appeared first on plusinfo.mk.
Прочитајте ја целата статија од изворот