На Електронскиот национален регистар на прописи (ЕНЕР) од денеска е достапен предлог-законот за изменување и дополнување на Законот за земање и пресадување на делови од човечкото тело заради лекување.
– Од досегашната примена на законот произлезе потреба да се направат измени и дополнувања во насока на проширување на кругот на лица кои можат да бидат живи дарители на органи, олеснување и измена на административните постапки и овозможување секој граѓанин со изјава кај својот матичен лекар да се определи за потенцијален донор на органи по смртта. Ова е уште еден чекор во насока на подигнување на јавната свесност за значењето на органдонорството, како највисок акт на човекољубие со кој се спасуваат човечки животи. Целта е волјата на граѓанинот да биде примарна, системот да биде потранспарентен и подоверлив, а личната одлука да се врати таму каде што ѝ е местото – кај самиот човек – појасни министерот за здравство Азир Алиу.
Предвидено е и воведување национална листа која ја води Министерството за здравство во „Националниот систем за електронски евиденции во здравството“, како и други административно-технички доуредувања на законскиот текст.
Линк од ЕНЕР: https://ener.gov.mk/Default.aspx?item=pub_regulation&subitem=view_reg_detail&itemid=121448
 
The post ИЗМЕНИТЕ НА ЗАКОНОТ ЗА ТРАНСПЛАНТАЦИЈА ДОСТАПНИ НА ЕНЕР Граѓаните кај матичен лекар ќе можат да потпишат изјава за органдонорство appeared first on plusinfo.mk.
Прочитајте ја целата статија од изворот