Јавен обвинител од Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило кривично дело – Убиство според член 123 став 2 точка 1 во врска со член 19 (во обид) од Кривичниот законик.

На 14 ноември, околу полноќ, осомничениот во алкохолизирана состојба, го зел со автомобил оштетениот под изговор дека ќе разговараат и го однел во сопствениот дом. Пред сопругата и двата сина извадил пиштол и започнал да пука кон него. Му нанел повеќе повреди, по што сведоци го пренеле оштетениот во болница.

Бидејќи постојат законски основи – опасност од бегство, можност дека ќе влијае врз сведоците или ќе го доврши обиденото дело, јавниот обвинител до судијата на претходна постапка од Основниот кривичен суд Скопје достави предлог за определување мерка притвор.

По рекордниот пораст на цената на биткоинот над 90.000 долари ја зголеми вкупната вредност на сите дигитални средства над 3,2 трилиони долари, најбогатите во светот на крипто забележуваат значително зголемување на нивното богатство.

Форбс проценува дека 11-те најбогати крипто-милијардери, чии средства главно се состојат од токени и акции, колективно ќе го зголемат своето богатство за 38 милијарди долари во 2024 година.

Првиот човек на ЈПДП, Коце Трајановски најавува градежна офанзива до крајот на оваа и во следната 2025 година во делот на патната инфраструктура. Покрај автопатските делници, во план е изградба и на неколку обиколници.

– Моментално сме во подготовки на проектирање на обиколница околу Кавадарци. Воедно, при крај се проектите за обиколница кај Ресен, за обиколница на Битола па се до Меџитлија, а следна година ќе започнеме со проектирање на патот од Куманово до Страцин, изјави Коце Трајановски, директор на ЈПДП

Ќе се работи и на нова делница за поврзување со соседна Албанија.

– Наместо да се оди горе на Ќафа сан, да се направи тунел од наша и од албанската страна. Веќе има прелиминарни договори со албанската Влада по пола да се финансира тој тунел, така што ќе биде многу полесно, побезбедно и  побрзо движењето меѓу Македонија и Албанија, додаде Трајановски

Моментално се работи на рехабилитација на регионалниот пат кој ги поврзува општините Штип и Карбинци.

– Преку јавното претпријатие се вложени околу 30 милиони денари, за потребите на жителите на двете општини кои транзитираат по овој патен правец, изјави Иван Јорданов, градоначалник на Штип

За продолжување на градежната сезона, при ниски темепратури ќе се работи со технологија на т.н. зимско асфалтирање со соодветни адитиви, а ќе се работи и ноќе.

Министерот за внатрешни работи Панче Тошковски денеска одржал работен состанк со  меѓуресорската работна група, составена од членови на МВР и Министерството за правда и професори од Правниот факултет во Скопје, која работеше на измените на Законот за безбедност во сообраќајот на патиштата и Законот за прекршоците.

-Овие измени се неопходни за целосна имплементација и ставање во функција на системот за електронско детектирање на сообраќајни прекршоци, познат како „Безбеден град“. Нашата визија е следејќи ги европските стандарди, да спроведеме целосна дигитализација на овој процес, така што ќе го исклучиме човечкиот фактор кој би овозможил избегнување на плаќање на казната. Системот автоматски ќе ги детектира, евидентира и процесира прекршоците, обезбедувајќи поголема ефикасност и ефективност, потенцирал Тошковски.

Како што соопшти МВР, министерот истакнал дека ставањето во функција на овој систем е еден од приоритетите на новата Влада, со единствена цел да се подобри безбедноста на патиштата и да се намали бројот на жртви.