Разбирајќи ги потребите на модерните текови и предизвици на современото родителство, Алкалоид организираше прва Бекутан регионална конференција во Скопје на тема Родителството некогаш и денес. Во фокусот на конференцијата беше грижата за секое дете уште од првиот ден на раѓањето.

Јавни личности од државата  и од регионот дебатираа за убавите моменти, но и за незгодите во родителската кариера.

На регионалната конференција, покрај јавните личности, и педијатри и психолози  дискутираа како се менувал пристапот во родителството низ децениите, дали има совршена мера за неизмерната родителска љубов при воспитувањето и дали таа може да премине во разгаленост.

Во Нови Сад попладнево граѓаните се собраа пред Основното јавно обвинителство и судот каде бараа ослободување на локалниот политичар и активист Миша Бачулов.

Тој е меѓу 14-те приведени по демонстрациите поради трагедијата во Нови Сад на Железничката станица, јави дописникот на МИА од Белград.

Протестот го организираше опозициската група граѓани „Мишини херои“, чиј лидер, член на градското собрание, Миша Бачулов е во притвор.

На повик се одзваа стотина граѓани, активисти, народни и покраински пратеници, како и одборници во парламентот во Нови Сад. Некои од нив носеа маици со порака „Слобода за сите“.

Претставникот на здружението „Биди херој“, Душан Милисављевиќ побара сите уапсени да бидат ослободени и судовите да работат чесно, согласно законот и без притисоци.

-Сите неправедно затворени ја имаат нашата поддршка, сакаме слобода за сите неправедно затворени и сакаме судот да работи независно, без притисоци, рече тој.

Тој додаде дека протестот бил организиран полуспонтано и без намера да блокира нешто, но ги покани граѓаните да ги следат социјалните мрежи во следните неколку дена, бидејќи постои план за понатамошно дејствување и список на акции што ќе се реализираат.

Миша Бачулов е уапсен по протестот во Нови Сад, бидејќи наводно истурил фекалии пред Градското собрание, на протестот одржан во вторник на 5 ноември.

Кога беше објавено дека не се работи за фекалии туку за вода од водоводот во Зрењанин, Бачулов по 48 часа минати во притвор е пуштен на слобода.

Тој повторно беше уапсен во петокот на 8 ноември, а 30-дневен притвор му е одреден и на поранешниот потпретседател на Владата на Војводина, Горан Јешиќ.