Претседателот на САД Доналд Трамп изјави дека „почнува да се сомнева“ дека Украина ќе постигне договор за прекин на огнот со Русија и го повика Киев да преговара со Москва во Турција в четврток.

„Рускиот претседател Путин не сака Договор за прекин на огнот со Украина, туку средба в четврток во Турција за да преговара за можен крај на ова крвопролевање“, напиша Трамп на својата социјална мрежа „Трут соушл“.

„Украина мора да го прифати ова, веднаш“, потенцираше Трамп.

„Барем ќе можат да утврдат дали е можно да се постигне договор, а доколку не е, европските лидери и САД ќе знаат каква е состојбата и ќе можат соодветно да реагираат!“, додаде претседателот на САД.

„Почнувам да се сомневам дека Украина ќе склучи договор со Путин, кој е премногу зафатен со прославување на Победата во Втората светска војна, која не можеше да биде извојувана (немаше ни да биде блиску!) без Соединетите Американски Држави. ОДРЖЕТЕ ЈА СРЕДБАТА, СЕГА!“, нагласи Трамп.

ОВР Куманово до ОЈО Крива Паланка ќе поднесе кривична пријава против А.А. (23) од Крива Паланка поради сомнение за сторено кривично дело „мачење животни“ по чл. 233 од КЗ.

На 10.05.2025 во 23.30 часот во ОВР Крива Паланка било пријавено дека на социјална мрежа е објавена видео снимка, на која се гледа како во Крива Паланка, куче било врзано за патничко моторно возило во движење и кучето било принудено да трча.

Веднаш по добиената пријава, преземени се соодветни мерки и активности од страна на полициските службеници од ОВР Крива Паланка и било утврдено дека сопственик на возилото и кучето е А.А. (23) од Крива Паланка.

Со него е извршен службен разговор и против него ќе биде поднесена кривична пријава.

Ракометната репрезентација на Македонија триумираше над Литванија со 26:17 (13:11) во дуел од квалификаците за пласман на Европското првенство во 2026 година.

По победата пред полни трибини во СЦ „Јане Сандански“, Македонија го освои второто место во групата и обезбеди пласман на континенталниот собир.

Нашата репрезентација одигра одлично второ полувреме и го оправда фаворитскиот стаус и донесе голема радост на навивачите во земјава.

Најефикасни кај „жолто-црвените“ со по пет гола беа Филип Кузмановски и Мартин Серафимов. Томовски пак запиша 10 интервенции.

Фудбалерите на Вардар запишаа гостинска победа во градското дерби против Работнички од 0-1 (0-0) во рамките на претпоследното коло во Првата Македонска Фудбалска Лига (ПМФЛ).

Средбата се одигра на теренот „Петар Милошевски“ при Фудбалската федерација на Македонија (ФФМ), а единствениот гол го постигна Горан Закариќ од пенал.

„Црвено-црните“ по денешната победа имаат 42 бода на првенствената табела и се петтопласирани, додека Работнички има 56 и веќе е сигурен на третото место.

Резултати од ПМФЛ, 32. коло:

Работнички – Вардар 0-1
Силекс – Пелистер 0-0
Шкупи – Тиквеш1-1
Струга ТЛ – АП Брера 1-1
Беса – Воска Спорт 3-0 (службено)
Гостивар – Шкендија 0-3 (службено).