Основното јавно обвинителство Скопје поведе постапка против едно лице за две кривични дла, Насилство од член 386 и Загрозување на сигурноста од член 144 од Кривичниот законик.
„Осомничениот на 5 мај ја загрозил сигурноста на својата сопруга, така што при вербална расправија пред нивните две малолетни деца почнал да ѝ се заканува, по што зел вазна со која фрлил кон оштетената. Не ја погодил, туку удрил во ѕидот, а оштетената исплашена за својата безбедност веднаш ги зела децата и заминала кај нејзината мајка. На 7 мај, осомничениот со своето возило го пресретнал патот на автомобил во кој била оштетената и уште едно лице, започнал да ги навредува и да им се заканува, а потоа со нога, тупаници и со предмети удирал повеќе пати во возилото. Со овие насилнички дејствија предизвикал чувство на несигурност и страв кај оштетените“, соопшти Обвинителството.
Јавниот обвинител до судијата на претходна постапка достави предлог за определување мерки на претпазливост за осомничениот – забрана за напуштање на живеалиштето, односно престојувалиште, обврска да се јавува повремено на одредено службено лице, привремено одземање на патна или друга исправа за преминување на државна граница, односно забрана за нејзино издавање, забрана на посетување на одредено место или подрачје, како и забрана за приближување или воспоставување, односно одржување контакти со оштетената.
Според КЗ, за делото Загрозување на сигурноста, доколку е сторено при семејно насилство, следува затворска казна од 3 месеци до 3 години. За делото Насилство е предвидена истата затворска казна, од 3 месеци, до 3 години.
The post ЈА ГАЃАЛ СОПРУГАТА СО ВАЗНА И Ѝ СЕ ЗАКАНУВАЛ, А СЕГА ЌЕ ОДГОВАРА Обвинителството го гони за насилство, му го одзеде пасошот и му забрани да мрдне од Скопје appeared first on plusinfo.mk.
Прочитајте ја целата статија од изворот