Еден од најдобрите камерунски фудбалери на сите времиња Емануел Кунде почина на 68-годишна возраст, соопшти денеска Фудбалската федерација на Камерун.

Кунде беше клучен член на прославената камерунска генерација која испиша историја во 1990 година, станувајќи првата африканска репрезентација што стигна до мундијалско четвртфинале.

Кунде, исто така, учествуваше на Светското првенство во Шпанија во 1982 година, а со репрезентацијата на Камерун го освои Африканскиот куп на нации во 1984 и 1988 година, постигнувајќи го решавачкиот гол од пенал во финалето против Нигерија.

Неговиот придонес во африканскиот и светскиот фудбал ќе биде запаметен, а неговата смрт е огромна загуба за камерунскиот спорт, се наведува во соопштението на Федерацијата.