Тројца мажи од село Луке, Кривопаланечко, се уапсени под сомнение дека убиле 84-годишен човек, чиешто тело било пронајдено закопано во близина на неговата куќа, соопшти Министерството за внатрешни работи.
На 1 април 2025 година, во 18.25 часот, полициски службеници од ОВР Крива Паланка ги лишиле од слобода 24-годишниот З.Ф., 19-годишниот С. Ф. и 44-годишниот С.Ф. од село Луке, кривопаланечко.
Тие се сомничат дека го убиле 84-годишниот Љ.С. од село Луке, кој на 29 март 2025 година бил пријавен за исчезнат.
Телото на Љ.С. било пронајдено закопано во непосредна близина на неговата куќа во с. Луке, а увид извршила екипа од СВР Куманово.
По насока на јавен обвинител, телото е предадено за обдукција, а по целосно расчистување и документирање на случајот ќе биде поднесена соодветна пријава.
The post ТРОЈЦА МАЖИ СЕ ОСОМНИЧЕНИ ЗА УБИСТВО НА 84-ГОДИШЕН ЧОВЕК ВО КРИВОПАЛАНЕЧКО Селанецот го пронашле закопан крај својата куќа appeared first on plusinfo.mk.
Прочитајте ја целата статија од изворот