Нова дневна американска сапуница која назира зад портите на семејството Дупри, богато афро-американско семејство кое живее луксузно во едно предградие на Вашингтон.

“Beyond the Gates” е првата дневна телевизиска сапуница во која има претежно афро-американска актерска екипа и првата нова која дебитира на американска национална телевизија во период од 1999 година до денес. За потсетување, американските дневни сапуници со децении се емитуваат во САД во дневните термини, а и гледачите во Македонија имаа можност да погледнат неколку од нив.

Една од првите дневни американска сапуници емитувана на македонските телевизии беше “Богати и убави”, прикажана во 90тите на А1.

Во тој период следуваа уште неколку и тоа “Санта Барбара” (МРТ), “Градот” (МРТ), “Универзитетска болница” (МРТ), “Сите мои деца” (Телма), “Млади и неуморни” (Сител), “Светот се врти” (Сител), “Некој те чува” (Сител), но дефинитивно таа која остави најголем белег и која сите ја паметат е најгледаната “Плажата на залезот”, емитувана на МРТ 1.

И новата американска сапуница која неодамна започна да се емитува на CBS ја следи сличната тематика како и другите. Серија за богата фамилија и крвните врски, афери и интриги кои ги поврзуваат нивните членови и пријатели.

Дани | ТВ Пакет