Дали и колку новата постапка за утврдување одговорност кај судијата Енвер Беџети (иницирана од член или членови на Судскиот совет), кој заедно со ексвицепремиерот Артан Груби заврши на американската црна листа, е соодветна реакција од Судскиот совет откако пред околу една година ова тело само парично го казни Беџети кој девет месеци во фиока го чуваше предметот „Таргет-Тврдина“ за масовното незаконско прислушување? Ова е една од темите на кои во новото издание на емисијата „360 степени“ на МРТ 1 дебатираме со Вера Коцо, поранешна судијка во Врховниот суд, Ивана Петковска, програмска координаторка во невладината Коалиција „Сите за правично судење“ и Васко Маглешов, новинар на БИРН. Разговараме и за изборот на судијката од штипска апелација Данка Ристова, сопруга на градоначалникот на Радовиш кој доаѓа од редовите на ВМРО-ДПМНЕ, за нова членка на Судски совет, ставот на власта дека таа е професионалец, избрана за член од колегите, и критиките од опозицијата дека на сцена е партизација на на Советот. Дали заложбата на ВМРО-ДПМНЕ за распуштање на Судскиот и на Советот на јавни обвинители е веќе ад акта и што може да се заклучи од начинот на кој државниот обвинител Љупчо Коцевски реагираше и реагира на критиките на адреса на јавното обвинителство од премиерот Христијан Мицкоски – се, исто така, меѓу прашањата до нашите соговорници.

Емисија 360 Степени