Двојната изборна победа на ВМРО-ДПМНЕ носи тектонска промена на политичката сцена во земјава. За нејзините вистински размери и последици ќе треба да почекаме, но некои работи се извесни или речиси извесни, а тоа е дека Гордана Силјановска-Давкова во вториот обид станува претседателка на државата, а Христијан Мицкоски, исто така во вториот обид, станува премиер. СДСМ и ДУИ, пак, како што стојат работите, одат во опозиција. Во новото издание на емисијата „360 степени“ на МРТ 1 подетално се занимаваме со тоа како изгледаше изборната ноќ, а се обидуваме да ги анализираме и изборните бројки, пораките и импликациите од нив. Гости во дебатниот дел се универзитетските професори Владо Бучковски (поранешен премиер) и Александар Спасеновски (поранешен пратеник). Преку сториите на нашите репортерски екипи, пак, ве пренесуваме во и пред штабовите на главните актери.

Емисија 360 Степени