Артан Груби отворено ги уценува компаниите – ако вработат Албанци ќе добијат помош од државата. Етничкото вработување вели тој било многу важно, затоа што така налагал Охридскиот рамковен договор. Најавата од првиот вицепремиер  дека Владата наскоро ќе ja разгледува мерката која беше предизборно ветување на ДУИ, предизвика бурни реакции.

Првиот вицепремиер смета дека тоа би било од полза и за странските компании да имаат вработени припадници на другите етнички заедници и од практична гледна основа претежно за јазикот и за комуникација со граѓаните.

Етничкиот клуч, смета тој, е многу важен затоа што така налагал и Охридскиот рамковен договор и уставното начело за правична застапеност на сите заедници во земјава.

– Етничкиот клуч во вработувањата е многу важен, бидејќи така налага и Охридскиот рамковен договор и уставното начело за правична застапеност на сите заедници во земјава, но тоа не значи дека ќе има помал квалитет на луѓето кои ќе ги добијат работните места. Не е дискриминирачки, туку напротив е правична застапност на сите заедници. Не треба да се гледа како унапредување само на Македонците или Албанците, туку важи и за Срби, Роми, Власи, Бошњаци и за Туци и за сите други заедници ако ги исполнуваат условите за работното место кое аплицирале, изјави Груби, вели Груби.

Барањето на ДУИ е дел и од владината програма , иако премиерот Заев се обидуваше да го релативизира. Социјалните мрежи вријат – дел од коментарите се дека Заев прави уште една отстапка за да му удоволи на Ахмети, само за да остане на власт.

• Ова не е дискриминација ова е тежок грабеж на пари директно од џебот на сите граѓани на Македонија без разлика на нивна етничка припадност.

• Цела Влада еднаш ако може да престане со глупости а и со мешање во приватен бизнис и воопшто во бизнис.

Поранешниот пратеник, Илија Димовски по ваквите најави, на власта и порача дека не треба субвенции за вработување, зошто со ваков хаос во образованието  сите нови генерации ќе избегаат да работат градежништво низ Австрија и Италија.

Се јави и актуелниот пратеник Мирослав Богдановски од ДОМ, дел од мнозинството.

• Класична дискриминација, со државни пари да се субвенционираат приватни фирми да не се вработуваат Македонци е навистина неприфатливо и недозволиво, напиша Богдановски на Фејсбук.

Стопанствениците, пак, сметаат дека за бизнисот е најважно да се решат економските проблеми. Од бизнис заедницата алармираат дека владата овој пат мора да донесе ефикасни мерки за да му се помогне на стопанство, во спротивно опасноста уште голем број на граѓани да останат на улица, е голема.

Според последните податоци од Агенцијата за вработување, од јануари бројот на невработени лица пораснал за 40.350 лица.

Борис Грујоски

The post Ваботувањето во приватни фирми на национална основа е уште една концесија на Заев кон ДУИ appeared first on Национална телевизија.