Испораките на оружје во Украина треба да престанат пред да се постигне договор за привремено примирје, изјави портпаролот на Кремљ, Дмитриј Песков, во интервју за ABC News, наведувајќи дека Киев не е подготвен за непосреден почеток на преговорите.
-Тие не се подготвени за непосредни преговори – рече Песков, негирајќи дека рускиот претседател Владимир Путин е тој што одложува.
Според него, Путин прави сè што може за да го реши проблемот и да постигне решение преку мирни и дипломатски средства.
-Но, без мирни и демократски средства при рака, ние мора да ја продолжиме воената операција – рече Песков.
Песков, рече дека Киев не е подготвен за преговори, а на тоа може да го натера само американскиот претседател Доналд Трамп.
– Мислевме дека претседателот Трамп ќе го искористи своето огромно влијание врз Украина за да ја приближи до идејата за преговори – рече Песков.
Според него, Путин мора да види „одредена динамика“ на бојното поле пред да се согласи на продолжено примирје.
– Ако зборуваме за прекин на огнот, тогаш што ќе правиме со снабдувањето со оружје што секојдневно доаѓа од САД и европските земји – рече Песков.
Тој нагласи дека, во спротивно, Киев ќе биде во предност.
-Украина ќе продолжи со целосна мобилизација, префрлајќи нови војници на фронтот. Украина ќе го искористи овој период за обука на нов воен персонал и одмор на оние што веќе се во единиците. Па зошто да ѝ дадеме таква предност на Украина? – праша Песков.
Како што претходно објави агенцијата РБЦ-Украина, Киев потпиша договори со Копенхаген, Париз и Рим за купување оружје во вредност од една милијарда евра, додека Европската Унија објави дека ќе издвои 1,9 милијарди евра за воена поддршка на Украина, од кои една милијарда ќе се искористи за купување оружје.
The post ПУТИН ИМА УСЛОВ ЗА ПРИМИРЈЕ ОД ЕДЕН МЕСЕЦ Мора да запрат испораките на оружје за Украина appeared first on plusinfo.mk.
Прочитајте ја целата статија од изворот
ПУТИН ИМА УСЛОВ ЗА ПРИМИРЈЕ ОД ЕДЕН МЕСЕЦ Мора да запрат испораките на оружје за Украина
