Црна Гора побара од Европската унија и НАТО итна помош во здравствени работници, кои ќе им помогнат во борбата против вирусот, бидејќи, како што изјави министерот за надворешни работи на Црна Гора, Ѓорѓе Радуловиќ, нивниот здравствен систем е пред колапс.

Во писмото до колегите во земјите-членки на ЕУ, Радуловиќ побара, доколку се во можност, итно да испраќаат лекари, техничари и друг медицински персонал во Црна Гора, пишува Побједа.

Наводно, се бара поддршка во рамките на Механизмот за цивилна заштита на ЕУ за да се обиде да ја стави под контрола епидемијата во Црна Гора.