Руското Министерство за одбрана денеска соопшти дека во руската контраофанзива во Курскиот регион загинале 36.850 украински војници и 225 тенкови.
„За време на воените операции во правец на Курск, непријателот загуби вкупно повеќе од 36.850 војници, 225 тенкови, 160 борбени возила како поддршка на пешадијата, 123 оклопни транспортери, 1.202 оклопни борбени возила, 1.060 артилериски возила, 30.540 повеќецевни ракетни фрлачи, вклучувајќи 11 ХИМАРС и 6 МРЛС, 13 лансири за противвоздушни ракетни системи, 7 транспортни и товарни возила, 70 станици за електронско војување, 13 контрабатериски радари и четири радари за противвоздушна одбрана“, соопшти руското Министерство.
Русија, исто така, тврди дека Украина изгубила 27 единици инженерска и друга опрема, вклучувајќи 13 инженерски возила, единица за деминирање УР-77, како и шест оклопни возила за поправка и извлекување и едно командно-штабно возило.
„Продолжува операцијата за уништување на формациите на украинските вооружени сили“, се наведува во соопштението.
Украина на 6 август започна голема контраофанзива на Курск, а пред неколку дена висок украински воен извор изјави дека Украина изгубила повеќе од 40% од територијата што претходно ја зазеде во Курск.
„Имавме под контрола околу 1.376 квадратни километри територија, а сега таа територија е намалена. Непријателот ги засилува своите контранапади… Во моментов имаме приближно 800 квадратни километри територија под наша контрола и ќе се обидеме да ја задржиме онолку долго колку што е воено можно.“, наведе изворот.
УКРАИНА ЌЕ ПОВЛЕЧЕ ПОВЕЌЕ ОД 100.000 МИНОФРЛАЧКИ ПРОЕКТИЛИ Квалитетот на гранатите бил лош
