На автопатот Гевгелија – Демир Капија, кај тунели Демир Капија, вчера во 16.20 часот полициски службеници од Полициската станица за граничен надзор Михајлово го лишиле од слобода А.С.(28) од Кичево.

При преглед во возилото „волво“, кое го управувал, соопштија денеска од МВР, биле пронајдени три лица мигранти и било констатирано дека регистарските таблички  припаѓаат на возило „мерцедес“.

Мигрантите биле пренесени во Прифатно – транзитен центар Гази Баба во Скопје, а возилото било сместено во кругот на Регионалниот центар за гранични работи Југ за понатамошна постапка.

За настанот бил запознаен јавен обвинител.