Ќе бараме нов притвор за Јанкиески – Фокус


Откако Апелација по три години му ја укина мерката куќен притвор на екс министерот Миле Јанакиески, шефицата на Обвинителството за гонење на организиран криминал и корупција, Вилма Русковска, најави дека ќе бара нов притвор.

Сега притворот ќе се бара за случајот “Организаторите на 27 април”, за кој со првостепена пресуда Јанакиески беше осуден на 6 години и три месеци затвор. Овој случај се наоѓа по жалба пред Апелација.

– Advertisements –

-Да, ќе бараме притвор. Ние сме доследни. По објавувањето на пресудата баравме, но не беше прифатено, изјави обвинителката Русковска за “Фокус”, на прашањето дали повторно ќе бараат притвор за Јанакиески.

По пресудата Русковска бараше тогашниот куќен притвор на Јанакиески да се замени со притвор во истражниот затвор, но тој се жалеше дека зад решетки не може да ја спрема одбраната за многуте предмети за кој е обвинет.

-Секој ден ме чуваат над осум полициски службеници и секое возило што влегува и излегува од мојата зграда е детално претресено. Имам многу предмети за кои треба да се спремам, и нечовечки ќе биде по четврти пат да се носам од дома до Шутка. Пет години сум под мерки и мислам дека нема потреба од притвор, рече тогаш Јанакиески.

Апелациониот суд Скопје, пак, денеска до Основниот кривичен суд Скопје, го доставил решението со кое на обвинетиот во повеќе судски предмети Јанакиески, му ја укинува мерката куќен притвор и му ја заменува со мерка претпазливост.

– Постапувајќи по жалбата изјавена од одбраната на М.Ј., обвинет во предметите со КОК 53/17 означен како „Т.Н.Т.“, КОК 7/18 означен како „Титаник“, КОК 9/19 означен како „Талир“, КОК 57/17 означен како „Топлик“, КОК 52/17 означен како „Траекторија“ и КОК 30/20 означен како „Шпански скали“, ја уважи жалбата за укинување на мерката куќен притвор, информираат од Основен кривичен суд Скопје и додаваат дека мерката претпазливост е забрана за напуштање на територијата на државата и Град Скопје, односно обврска обвинетиот да се јавува во судот и забрана за издавање на друга патна исправа.

Валентина Вурмо

ИЗВОР. ФОКУС

Adblocker detected! Please consider reading this notice.

We've detected that you are using AdBlock Plus or some other adblocking software which is preventing the page from fully loading.

We don't have any banner, Flash, animation, obnoxious sound, or popup ad. We do not implement these annoying types of ads!

We need money to operate the site, and almost all of it comes from our online advertising.

Please add tvstanici.net to your ad blocking whitelist or disable your adblocking software.

×