Шведската премиерка поднесе оставка неколку часа откако беше избрана – Фокус


Неколку часа откако денеска беше избрана за премиер на Шведска, Магдалена Андерсон поднесе оставка бидејќи парламентот не го поддржа владиниот предлог буџет, а коалицискиот партнер Зелени ја напушти малцинската влада.

-Се работи за почит, но исто така не сакам да водам влада чиј легитимитет може да биде доведен во прашање, рече Андерсон на прес-конференција.

– Advertisements –

Таа го информираше претседателот на парламентот Андерас Норлен дека сè уште е заинтересирана да води еднопартиска социјалдемократска влада.

Претседателот на шведскиот парламент Андреас Норлен изјави дека ја прифатил оставката на Андерсон и дека утре по разговорите со партиските лидери ќе објави натамошни потези.

Предлог-буџетот на Владата беше отфрлен во корист на предлогот на опозицијата, вклучително и десничарските демократи. Зелените најавија дека се подготвени повторно да ја поддржат Андерсон во новото гласање за избор на премиер.

ИЗВОР. ФОКУС