Со навреди и пцовки, СДСМ предизборно го „дисциплинира“ своето членство?!



ИЗВОР: АЛФА

    „Цели 29 години сум член на СДСМ и досега вакво омаловажување, навредување и срам од своите сопартијци, не сум доживеала. Ова што ми се случи на два наврати во последниве дестина дена од страна на мојот партиски координатор и локален државен службеник, е невидено бламирање за целата партија“. Вака ја започнува својата мачна приказна долгогодишната членка на прилепскиот огранок на СДСМ, која заради срамот пред своите сограѓани сакаше да остане анонимна, а чиј идентитет и’ е познат на нашата Редакција.

    Нашата соговорничка, која инаку е просветно лице од едно општинско средно училиште, доживеала вистински шок, кога заради болест, не можела да учествува во предизборната партиска активност „Од врата до врата“. Нејзиниот координатор за МЗ „Тризла 1“, со најпогрдни зборови и вулгарни пцовки, почнал да и’ се заканува дека тој ќе средел за да  ја избркаат од работа. Под силен стрес и шокирана, таа случајот го пријавила и во партиската Централа во Скопје, и во Невладиниот сектор.

  „На ден 4.10 ми се закануваше по телефон дека ќе ми биде одземено моето Решение за работа, дека ќе бидам физички напдната и ми упатуваше навредливи зборови и пцовки кон мене како жена. А нели, СДСМ се залага за правата на жените и нивна заштита од насилство“, прашува нашата соговорничка, притоа додавајќи дека ова било само увертирата во она што следело една недела подоцна.

  „После недела дена од овој настан, присуствував на партиски собир во штабот на СДСМ – „Тризла 1“, каде што истото лице, пред луѓе ми се закануваше, ме омаловажуваше, ме навредуваше и се обиде насилно да ме избрка од партискиот штаб. Лицето ми се закани дека и физички ќе ме нападне доколку не го напуштам штабот. Поради стерсот кој што го доживеав, на лице место сум изгубила свест и со Итна помош бев пренесена во Болницата во Прилеп. Последиците од тој настан ги чувствувам и денес, бидејќи, по препорака на лекарите, се уште сум под терапија“, – видно вознемирена ја раскажува својата голгота нашата соговорничка.

   И двата напади, нашата соговорничка, освен во МВР, ги пријавила и кај повисоките локални партиски функционери, вклучително и кај пратеникот од оваа партија. Но, како што вели самата, досега никој ништо не презел. Според нејзините зборови, нејзиниот не бил единствен случај на партиски притисоци и уцени, особено периодов. Меѓутоа членството било исплашено за  да ги пријави, најмногу од последиците по своите работни места. Бројни биле и премолчувањата дури и за задолжителната, уценувачка обврска да донесат по 20 лица, а кои на престојните избори сигурно ќе гласале за владеачката партија.

   Колку за потсетување, за ваквите уцени врз членството, вчера во Прилеп беа презентирани и извесни аудио-снимки на кои јасно се слуша што се’ им се ветува на членовите за добивање на нивниот глас, вклучително и непостоечки работни места, како што е, на пример – „возач на лифт“ во претпријатие каде што лифт и нема.

Каролина Дурло

Adblocker detected! Please consider reading this notice.

We've detected that you are using AdBlock Plus or some other adblocking software which is preventing the page from fully loading.

We don't have any banner, Flash, animation, obnoxious sound, or popup ad. We do not implement these annoying types of ads!

We need money to operate the site, and almost all of it comes from our online advertising.

Please add tvstanici.net to your ad blocking whitelist or disable your adblocking software.

×