Слободно нека ме тужи, нема да му се извинам на Заев – Фокус


Гостиварскиот градоначалник и генерален секретар на политичката партија Алијанса за Албанците, Арбен Таравари нема намера да му се извини на премиерот Зоран Заев, по изјавата во која кажа дека нудел пари на пратеничка за да ја придобие при формирање на парламентарно мнозинство.

Таравари тврди дека ја зборувал вистината и оти обајцата знаат што се случило, напомена во одговорот на новинарско прашање, денеска во Гостивар.

– Advertisements –

– Тој знае дека и јас знам. Ако ги решил другите проблеми и покрупни прашања, слободно нека ме тужи, тука сум. Меѓутоа ќе дојде времето кога за оваа работа ќе се прозбори јавно. Бидејќи сме во хибриден режим и не сакам да вовлекувам нашите пратеници во непријатна ситуација, оваа приказна и таа тема ќе ја завршам тука. Јасно е што е направено, изјави Арбен Таравари, генерален секретар на Алијанса за Албанците.

Таравари неодамна во телевизиско интервју обвини дека низ земјава се „шетало со куфери полни пари“ и оти пратеничка од редовите на Алијанса за Албанците добила понуда од пријатели на премиерот да премине од опозиција во владејачкото мнозинство. По ова следеше демант од премиерот Заев и најава за тужба доколку Таравари не се извини за кажаното.

Гостиварскиот градоначалник десет денови пред состанокот на Европскиот совет е песимист за добивање датум за преговори со ЕУ.

– Го чекаме 14 декември, бидејќи имаше ветувања за евроинтеграции. Јас и Алијанса посакуваме датум, но според сигналите што ги добиваме од Бугарија, тоа е невозможна мисија и не верувам дека тоа ќе се случи. Времето е кратко, а позитивен сигнал може да добиеме по формирањето на новата влада во Бугарија, подвлече Таравари.

ИЗВОР. ФОКУС

Adblocker detected! Please consider reading this notice.

We've detected that you are using AdBlock Plus or some other adblocking software which is preventing the page from fully loading.

We don't have any banner, Flash, animation, obnoxious sound, or popup ad. We do not implement these annoying types of ads!

We need money to operate the site, and almost all of it comes from our online advertising.

Please add tvstanici.net to your ad blocking whitelist or disable your adblocking software.

×