Русите го изградија тунелот висок колку осумкатница. Делува импресивно



ИЗВОР: ВО ЦЕНТАР

РЖД Интернешнл ги заврши градежните работи за изградба на најдолгиот железнички вијадукт во Србија, во должина од три километри, во рамките на изградбата на брза пруга на делницата Стара Пазова – Нови Сад, соопшти денеска руската компанија.

Работите, како што е наведено во соопштението, завршиле повеќе од половина година пред предвидените рокови.

РЖД Интернешнл наведува дека во април, двата објекти успешно ја поминале инспекцијата на српското Министерството за градежништво, транспорт и инфраструктура за усогласеност со проектните решенија.

Пуштање во употреба на вијадуктот и тунелот, се планира за крајот на 2021 година.

Работата на изградбата на вијадуктот започна на 1 ноември 2017 година. Неговата должина е три километри, а висината на одделните столбови е 26 метри, што може да се спореди со висината на осумкатницата.

Вијадуктот е дизајниран на излезот од тунелот Чортановци, пред Сремски Карловци и се протега во пловниот дел на Дунав.

Тунелот Чортановци се состои од две паралелни “цевки” со вкупна должина од 2,2 км. Работите на нејзината изградба траат непрекинато од септември 2017 година и беа завршени седум месеци пред договорените рокови, објави рускиот изведувач.

За време на изградбата беа користени напредни руски и меѓународни технологии, кои беа тестирани, меѓу другото, за време на изградбата на олимписките објекти во Сочи.

Рокот за безбедно користење на тунелот утврден со проектот е најмалку 100 години.

По завршувањето на сите работи во согласност со проектот, патничките возови ќе можат да развиваат брзина до 200 километри на час, а товарните возови до 130 километри на час на делот од брзата пруга Стара Пазова – Нови Сад.