Итен состанок по смртта на човекот кој почина по вакцинирањето со АстраЗанека. Се дозна најважното



ИЗВОР: ВО ЦЕНТАР

Заврши двочасовниот итен состанок помеѓу претставниците на ХАЛМЕД, шефот на ХЗЈЗ, Крунослав Цапак и министерот за здравство Вили Берош, на кој беше разгледана истрагата за смртта на мажот (33) од Сисак, кој почина 12 дена откако беше вакциниран со АстраЗенека.

Како што дознава порталот Индекс, човекот бил вакциниран на 5 март во Сисак, со првата доза на АстраЗенека. Тој почина утрово во болницата Ребро во Загреб.

Првите два до три дена по вакцинирањето имал треска, но после тоа се чувствувал добро. Проблемите се појавија девет дена откако ја прими вакцината. Потоа почувствува силна болка во стомакот.

Тој бил хоспитализиран во Универзитетскиот болнички центар Загреб, каде му направиле магнетна резонанца. Според првичните информации, на магнетнанта резонанца било пронајдено крварење во надбубрежната жлезда.

Вчера беше свикан итен состанок бидејќи постоеше стравување дека овој случај може да биде сличен на некои од случаите пријавени во Европа, поврзани со проблеми со коагулацијата на крвта. Во овој случај, сепак, нема сомневање за згрутчување на крвта, туку недостаток на тромбоцити, крвните клетки вклучени во згрутчување на крвта. Намалувањето на бројот на тромбоцити се споменува и во Европа како можна последица од вакцинацијата АстраЗенека.

На состанокот било договорено да се чека на обдукцијата за конечна проценка на смртта на 33-годишникот од Сисак, која ќе биде комплетирана во текот на денешниот ден. После тоа треба да биде појасна причина за смртта на човекот.

Како што дознава порталот Индекс, покрај крварењето во надбубрежната жлезда, човекот имал и болки во цревата и синуситис. Сега се утврдува дали овие два услови се поврзани со причината за смртта или не.

Посебено внимание, кога станува збор за смртта на 33-годишниот маж ,предизвика сомнежот за тромбоцитопенија, како што се нарекува значително намалено ниво на тромбоцити во крвта. Токму тромбоцитозата беше пријавена во ХАЛМЕД. За разлика од тромбоемболизмот, кој беше почесто споменуван кај посочените проблеми со вакцините АстраЗенека, и кој е релативно чест, тромбоцитопенијата е многу ретка. Во Хрватска, на пример, годишно се забележуваат неколку случаи на тромбоцитопенија.

Но, ако тромбоцитопенија се појави по примање на доза на вакцина, иако има милиони вакцини, ова се толкува како сигнал што мора да се испита.

Теоретски, тромбоцитопенијата може да биде предизвикана од силна имунолошка реакција, но засега сè уште нема докази дека тоа се случило во случајот на починатиот 33-годишник од Сисак.

Да потсетиме, Хрватска е една од земјите кои не престанаа да се вакцинираат со АстраЗенека. Ова го сторија околу половина од земјите на Европската унија поради сомневања дека појавата на згрутчување на крвта по вакцинацијата може да биде поврзана со вакцината АстраЗанека. 

Adblocker detected! Please consider reading this notice.

We've detected that you are using AdBlock Plus or some other adblocking software which is preventing the page from fully loading.

We don't have any banner, Flash, animation, obnoxious sound, or popup ad. We do not implement these annoying types of ads!

We need money to operate the site, and almost all of it comes from our online advertising.

Please add tvstanici.net to your ad blocking whitelist or disable your adblocking software.

×