Дали Шведска била цело време во право? Бројките почнуваат да работат за нив. На крајот ќе мора цел свет да им се поклони!?



ИЗВОР: ВО ЦЕНТАР

Во април 2020 година, Шведска беше меѓу десетте земји најтешко погодени од пандемијата со коронавирус.

Денес, 15 месеци подоцна, стои подобро од повеќето европски земји, применувајќи стратегија со многу помалку ограничувања, пишува хрватскиот портал Индекс.

Како што потсетуваат, во Шведска во април минатата година, дневниот број на смртни случаи беше над 100, имаше над 500 пациенти заразени со коронавирус на интензивна нега, а ситуацијата беше особено тешка во домовите за стари лица.

Светот ја следеше ситуацијата во неверување, особено ако се земе предвид дека главниот државен епидемиолог Андерс Тегнел ја прифати стратегијата со многу препораки, но многу малку реални ограничувања, пишува порталот.

Многу експерти веруваа дека Шведска експериментира со својата популација, дека десетици или дури стотици илјади луѓе ќе умрат до летото, односно дека болничкиот систем ќе се распадне пред инвазијата на пациентите.

Среде растечката пандемија, за која во тоа време немаше вакцини или напредни медицински третмани, шведскиот епидемиолог со светска слава, 71-годишниот Јохан Гизеке, ментор на Тегнел и еден од неговите претходници, зборуваше за британската платформа Анхрд .

Според Индекс, изјавите на Гизеке во голема мера ја отсликуваат официјалната позиција на шведската епидемиолошка струка и Институтот за јавно здравје.

Беа потполно шокантни и речиси спротивни од правецот во кој се движеше цела Европа.

Заклучувањето не може да функционира во демократии, односно, во најдобар случај, може да се воведе како еднократна и краткорочна мерка, како еден куршум што треба да се испука во вистинско време. Нема научна основа за повеќето епидемиолошки мерки што се воведуваат низ Европа. Стапката на смртност од од ковид-19 во цела Европа за една година ќе биде на приближно исто, разликите ќе бидат најмногу околу 20 проценти, рече Гизеке.

Според авторот на текстот, денес нема сомнение дека Тегнел и Гизеке, барем, не згрешиле.

Иако основните училишта одржуваа настава нормално, иако сите продавници, трговски центри, ресторани, градинки, кина, јавен превоз, спортски сали, скијачки центри, кафулиња и други активности беа отворени, иако немаше заклучување, задолжително носење маски или затворање на границите, Шведска денес стои подобро од повеќето европски земји како во однос на вкупната смртност од ковид-19, така и смртноста во пандемијата и падот на економската активност.

Според порталот, вкупно 14.656 шведски државјани починале од коронавирус, и таа евиденција ги вклучува сите оние што починале со позитивен PCR тест, без оглед на причината за смртта.

Во болниците има 109 пациенти со дијагноза ковид-19, од кои 16 се на одделенија за интензивна нега.

Во последниот месец, на национално ниво, се регистрираат од 1.500 до 2.100 новозаразени лица неделно, додека во најлошите пандемски денови, на крајот на декември 2020 година, имаше до 10.000 нови случаи за 24 часа.

Кога станува збор за економските показатели, БДП на Шведска во јуни беше 2,5 проценти поголем отколку во претходниот месец и дури 10 проценти повисок отколку во јуни 2020 година.

На крајот на мај годинава, шведската економија ги компензираше сите загуби во пандемијата, а вкупниот пад на економската активност минатата година изнесуваше 2,8 проценти, односно третиот најмал во Европската унија.

Како што се додава, фактот дека Швеѓаните, кои традиционално сакаат да патуваат и трошат многу на патувања, минатата и летово масовно ги минуваа одморите во својата татковина, исто така, во голема мерка придонесе за силното економско закрепнување.