Алтеранатива утре ќе донесе конечна одлука дали ќе биде дел од владината коалиција СДСМ-ДУИ



ИЗВОР: АЛФА

На нова средба до крајот на викендот премиерот Зоран Заев и лидерот на Алтернатива Африм Гаши ќе ги финишираат преговорите за евентуален влез на партијата во влада. Наместо денеска, Централниот совет на Алтернатива, утре, во Тетово, треба да ја донесе конечна одлука.

-Заради ситуацијата со донесувањето на жртвите од Бугарија состанокот се презакажува за утре во 18 часот во Тетово, се вели пораката која Алфа ја доби од портпаролот на Алтернатива.

Додека се чека партиската одлука на Алтернатива , првиот човек на партијата Гаши на средби со албанските челници веќе разговара за интегративниот пат на Македонија. На средбата со премиерот Рама Гаши потенцирал дека доколку отворањето на преговорите за Албанија само малку зависи од одлуката на Алтернатива да се приклучи на актуелната влада на Македонија, тие се подготвени, бидејќи тоа било најмалку што можеле да направат за Албанија.

По трите одржани средби ниту Заев ниту Гаши не откриваат што е ставено на преговарачката маса, но категорично велат дека имало напредок во разговорите.

Веќе е познато дека Гаши бара едно од четирите вицепремиерски позиции, фотељата во здравство, труд и социјала , земјоделие и неколку заменички места во неколку ресори. За возврат Заев се надева дека четворицата пратеници на Алтернатива ќе му обезбедат комотно парламентарно мнозинство.

Ивана Соколовиќ Најдова

Adblocker detected! Please consider reading this notice.

We've detected that you are using AdBlock Plus or some other adblocking software which is preventing the page from fully loading.

We don't have any banner, Flash, animation, obnoxious sound, or popup ad. We do not implement these annoying types of ads!

We need money to operate the site, and almost all of it comes from our online advertising.

Please add tvstanici.net to your ad blocking whitelist or disable your adblocking software.

×